Өзбекстандын Самарканд шаарында Түрк дүйнөсүнүн урбанизация курултайы өтүүдө.
Курултайдын ачылышына ардактуу конок катары Түрк мамлекеттер Уюмунун Аксакалдар кеңешинин төрагасы Бинали Йылдырым катышты.
Бинали Йылдырым Түрк дүйнөсүнүн ар тармакта болгону сыяктуу урбанизация тармагында да кызматташтыкты күчтөндүрүүсү керектигин баса белгиледи.
Бинали Йылдырым: «Түрк дүйнөсүнүн инженерлер биримдиги тарабынан демилгеленген бул иш-чарада Түрк мамлекеттериндеги урбанизация иштери, климаттын өзгөрүшү, экологиялык сезимталдыктар сыяктуу көптөгөн темалар каралып, өз ара тажрыйба алмашуу камсыздалат. Эки тараптуу карым-катнаштарыбыз күндөн-күнгө өнүгүп, ТМУ мүчөлөрү уюм ичиндеги кызматташтыкка жана тилектештикке көбүрөөк маани беришүүдө»,-деди.
Курултайда Түрк инвесторлорунун Өзбекстандагы долбоорлоруна байланыштуу презентациялары да угулду.
Бинали Йылдырым Өзбекстандын президенти Шавкат Мирзиёев менен да жолугушту.
Жолугушууда Түрк Мамлекеттер Уюмунун алкагындагы кызматташтык талкууланды.