АКШнын пайдалуу кендер боюнча жаңы келишими Украинага 120 миллиард доллардан ашык карызды жаратат. Бул вариант Киев үчүн башынан эле кабыл алынгыс. Бул тууралуу «Европа правдасы» жазып чыкты.
Басылманын маалыматына ылайык, 23-мартта Киев АКШдан алган пайдалуу кендер боюнча келишимдин жаңы версиясын алды. Ага ылайык, келишим АКШнын Украинаны 2022-жылдан бери берилген бардык кайтарымсыз жардамдын наркын компенсациялоого мажбурлайт.
Украинанын президенти Владимир Зеленский Киев АКШнын мурда алган кайтарымсыз жардамынын баасын компенсациялайт деген ойду бир нече жолу четке каккан. Келишимдин «февраль» версиясында бул пункт тексттен алынып салынган, бирок ал кайра кайтып келген.
Бейшемби күнү Bloomberg, Financial Times жана украиналык депутат Ярослав Железняк Ак үйдөн жаңы келишимдин 58 барак долбоорунун чоо-жайын жарыялашты. Бул Украинанын бардык жаратылыш ресурстарына, анын ичинде мунай менен газга тиешелүү, бирок документте коопсуздук кепилдиги тууралуу сөз да жок.
Келишимге ылайык, Америка Кошмо Штаттары жаратылыш ресурстарын эксплуатациялоого байланыштуу инфраструктурага, инвестицияларды көзөмөлдөө укугуна жана инфраструктуралык долбоорлор боюнча артыкчылыктуу укуктарга ээ болот. Ошол эле учурда Киев жаратылыш ресурстары жана инфраструктура чөйрөсүндөгү бардык жаңы долбоорлордон түшкөн кирешенин 50%ын фондго өткөрүп бериши керек, ал эми Америка Кошмо Штаттары Украина америкалык жардам үчүн “карызды” төлөп бүтмөйүнчө, бардык пайданы жана жылына кошумча кирешеден 4% алат.