Израил армиясынын Газа тилкесинин түндүгүндөгү Бириккен Улуттар Уюмунун (БУУ) клиникасына кол салуусунан каза болгондордун саны 22ге жетти, алардын 16сы балдар, аялдар жана карылар.
Өкмөттүн Газадагы басма сөз бюросу Израил армиясынын Газанын түндүгүндөгү Жабалия качкындар лагеринде жайгашкан Бириккен Улуттар Уюмунун Палестиналык качкындарга жардам жана иштөө агенттигинин (UNRWA) клиникасына кол салуусуна байланыштуу билдирүү таратты.
Билдирүүдө : «Израиль өзү басып алган Жабалия качкындар лагериндеги UNRWA клиникасын бомбалоо менен жер которгондорго каршы үрөй учурарлык кыргын жасады. Кол салууда 16сы аял, балдар жана карылар болгон 22 киши каза болду жана дагы көптөгөн киши жараланды»,- деп айтылат.
Билдирүүдө Израилдин «адамзатка каршы кылмыштардын тизмесине жаңы кылмышты кошконун» жана БУУнун агенттик клиникасындагы бейкүнөө палестиналыктарды бутага алганын баса белгилейт.
«Биз жер которгон адамдар баш калкалаган медициналык мекемелерди жана баш калкалоочу жайларды жапайы жана атайылап бутага алган Израилдин оккупациясынын карапайым калкка жана жер которгон адамдарга каршы геноцид кылмышын эң катуу айыптайбыз», — деп айтылат билдирүүдө.
Газадагы израилдик армиянын чабуулуна кабылган жер которгондор үчүн түзүлгөн борборлордун саны 228ге жетти. Израилдин чабуулдары конфликттик кырдаалда карапайым калкты коргоону кепилдеген бардык эл аралык нормаларды жана конвенцияларды одоно түрдө бузууда.
БУУнун медициналык уюмуна кол салуу «толук масштабдуу согуш кылмышы» болуп саналат.