Ош шаарынын мэри Жеңишбек Токторбаев тиешелүү кызматтар менен адаттагыдай шаардын көчөлөрүн кыдырууда. Мэрия шаар башчысы бул жолу Кызыл-Кыштак айылдык аймактык башкармалыгындагы көчөлөрдү көрүп чыкканын маалымдап, рейддин видеосу менен бөлүштү. Анда Токторбаев «жан-жөкөрлөрү» менен көчөлөрдү кыдырып жүрүп, бир маалда күшүлдөп тоого чуркап чыгып кеткенин көрүүгө болот. Оператору бул ирет да алдыга чуркап баарын тартканга жетишкен.