Пакистандын вице-премьер-министри жана тышкы иштер министри Мухаммад Исхак Дар Индиянын ракеталык соккусун айыптады.
Дар Индиянын Пакистанга жасаган ракеталык кол салууларына байланыштуу X социалдык медиа платформасында билдирүү жасады.
«Пакистан Индиянын агрессиясын катуу айыптайт, бул Пакистандын эгемендигин, Бириккен Улуттар Уюмунун (БУУ) Уставын жана эл аралык мыйзамдарды ачык бузуп жатат»,- деди Дар, кол салуунун «аймактык тынчтыкка коркунуч туудурганын» баса белгиледи.
Дар Пакистандын кол салууга жооп берүү укугун өзүнө калтырарын жана өлкөнүн эгемендиги жана аймактык бүтүндүгү бардык чаралар менен корголо турганын айтты.
Пакистандын тышкы иштер министрлиги жазуу түрүндөгү билдирүүсүндө Индиянын «Пакистандын эгемендигин бузганын» баса белгиледи. Исламабад Индиянын Пакистанга жасаган чабуулдарын айыптады.
Кол салууда карапайым калк каза болгонуна көңүл бурулган билдирүүдө: «Индиянын ойлонбогон аракеттери өзөктүк куралга ээ эки мамлекетти чоң кагылышууга жакындатты.
Пакистан армиясынын кызматтар аралык коомчулук менен байланыштар боюнча башкы директору генерал-лейтенант Ахмед Шариф Чаудри Пакистан Индиянын ракеталык соккусуна өз убагында жана өз ордунда жооп берерин билдирди.