Түркиянын Анталия шаарында Түрк мамлекеттер уюмуна мүчө өлкөлөрдүн Жогорку сотторунун конференциясы болуп өттү.
Иш-чарага Азербайжандын, Казакстандын, Кыргызстандын, Өзбекстандын, Түндүк Кипр Түрк Республикасынын Жогорку сотторунун делегациялары, ошондой эле Түркиянын Кассациялык сотунун жана Мамлекеттик кеңешинин (Жогорку административдик сотунун) төрагалары катышты.
Тараптар сот тутумдарынын ортосундагы кызматташтыкты кеңейтүү, тажрыйба алмашуу жана бириккен аймактык жамааттардын алкагында мыйзамдуулукту бекемдөө маселелерин талкуулашты.
Иш-чарада аймактык жана эл аралык деңгээлдеги укуктук процесстер, санариптештирүүнүн сот системасына тийгизген таасири, соттордун көз карандысыздыгы жана адам укуктары жаатындагы актуалдуу маселелер талкууланды.
Конференция сот тармагындагы кызматташтыкты чыңдоо, тажрыйба алмашуу, түрк тилдүү мамлекеттердин сот тутумдарынын ортосундагы координацияны жана диалогду өнүктүрүүгө карай маанилүү кадам болуп калды.