Түрк куралдуу күчтөрүнүн Башкы штабынын жетекчиси армия генералы Метин Гүрак Казакстандын Куралдуу күчтөрүнүн Башкы штабынын төрагасы генерал-майор Султан Камалетдиновдун расмий чакыруусу менен Астанага расмий сапар менен барды.
Түрк куралдуу күчтөрүнүн социалдык тармактардагы расмий баракчасында жарыяланган маалыматка караганда, Казакстандын борборунда генерал Гүрактын урматына аскердик сыйлоо аземи өткөрүлдү.
Сапардын алкагында Камалетдинов менен эки тараптуу жана кеңейтилген сүйлөшүүлөр болуп, андан соң Түрк куралдуу күчтөрүнүн Башкы штабынын башчысын Казакстандын коргоо министри, генерал-майор Даурен Косанов кабыл алды.
Сапардын алкагында генерал Гүрак Ата Мекенди коргоочулар эстелигине гүлчамбар койду, Казакстандын Аскердик университетине барды, ошондой эле Түркиянын Астанадагы элчиси Мустафа Капучу жана Казакстандын аскердик атташеси менен жолугушту.