Италиянын Брешия провинциясындагы Корда Молла түйүнүнүн жанында жеңил учак кыйрады. Кырсыктын кесепетинен учактагы эки адам каза болду. Бул тууралуу ANSA агенттиги билдирди.
Кырсык Аззано Мелла айылына жакын жерде болгон. Учак жолдун четине кулап, күйүп кеткен. Куткаруучулар катуу күйгөн эки адамдын сөөгүн табышкан. Алдын ала маалыматтар боюнча, каза болгондор эркек жана аял болгон, бирок алардын өздүгү азырынча тактала элек.
Ошондой эле учак кайдан учуп келгени белгисиз. Бийлик учактын каттамын жана кырсыктын себептерин аныктоо боюнча иликтөө иштерин жүргүзүүдө.
Учактын сыныктары бир нече унаага зыян келтирди, бирок айдоочулар менен жүргүнчүлөр арасында жабыркагандар жок.