Канаданын премьер-министри Марк Карни Израилдин Газа тилкесинин басып алган аймагындагы аракеттерин айыптап, Канада сентябрда БУУнун Башкы ассамблеясында Палестинаны мамлекет катары тааный турганын билдирди.
«Биз Палестинан мамлекетин 2025-жылдын сентябрында БУУнун Башкы ассамблеясынын 80-сессиясында таанууну пландап жатабыз. Биз муну жасоого ниеттенип жатабыз, анткени Палестинанын жетекчилиги көптөн бери талап кылынган реформаларды жасоого бел байлады», — деди ал конференцияда.
Он миңдеген палестиналыктын Израил тарабынан өлтүрүлгөнүн жана миңдеген палестиналыктын «ачарчылыктын босогосунда» экенин белгилеген Карни: «Канада Израил өкмөтүнүн Газадагы абалдын ушундай катастрофалык начарлашына алып келген иш-аракеттерин айыптайт»,-деди.
Премьер-министр Карни Израилдин парламенти Кнессетте талкууланып жаткан Батыш Шерианы аннексиялай турган конуш пландары сыяктуу кадамдардын тынчтык жараянына доо кетирет деди. Ал ошондой эле Газадагы гуманитардык абалдын тездик менен начарлап баратканын жана Израил бийликтеринин аймакка азык-түлүк жана башка маанилүү гуманитардык жардамдарды жеткирүүгө тоскоол болуп жатканын белгиледи.
«Израиль үчүн туруктуу тынчтыкка жетүү үчүн кандай гана жол болбосун жашоого жөндөмдүү жана туруктуу Палестина мамлекетин, ошондой эле Израилдин коопсуздукка болгон ажырагыс укугун таанууну талап кылат» деди Карни.
Ал Палестинанын мамлекет башчысы Махмуд Аббастын 2026-жылы жалпы шайлоо өткөрүүнү убада кылганын эске салып, Канада Палестинанын муктаждыктарын канааттандыруу үчүн кошумча 30 миллион доллар жана басып алынган Батыш Шериада турукташтырууга колдоо көрсөтүү үчүн кошумча 10 миллион доллар берерин кошумчалады.