Израиль үйлөрдү, чатырларды, ашканаларды жана адамдар гуманитардык жардам күткөн жерлерди бутага алды.
Газанын түштүк-батышындагы Тель Хева районунда Вахда стадионуна жакын жердеги турак жайларга жасалган Израил учактарынын соккусунан 14 киши набыт болду. Шаардын батыш бөлүгүндө, Суейд Насрга жакын жерде палестиналыктар жаткан чатырлар лагерине сокку урулуп, 2 киши каза болду. Римал районунда ашканага кол салуу болуп, 3 тургун набыт болду.
Шейх Ран районунда кол салуудан фотожурналист Жихад Салим жана дагы бир нече киши набыт болду. Кол салуулар бүтүндөй үй-бүлөлөрдү өлтүрүп, бир окуяда ата-энелери жана алардын үч баласы каза болду.
Жарандык коргонуу кызматы Диреж районундагы үйдүн урандыларынын астынан 11 адамдын, анын ичинде аялдар менен балдардын сөөгү чыгарылганын билдирди.