Израилдин Газа тилкесинин тургундарына гуманитардык жардам жеткириши керек болгон Глобалдык Сумуд флотилиясына эл аралык сууларда кол салуусу эл аралык укуктун одоно бузулушу жана бейкүнөө жарандардын өмүрүнө коркунуч туудурган террордук акт болуп саналат.
Бул тууралуу Түркиянын Тышкы иштер министрлигинин билдирүүсүндө айтылат.
Билдирүүгө ылайык, түрк тарап израилдик күчтөр тарабынан кармалган түрк жарандарын жана башка жүргүнчүлөрдү тез арада бошотуу үчүн бардык чараларды көрөт.
Тышкы иштер министрлиги кол салууга жооптууларды жоопко тартуу үчүн мыйзамдуу чараларды көрүү ниетин билдирди.
Түрк дипломатиялык миссиясы БУУну жана бардык тиешелүү эл аралык уюмдарды Газа тилкесиндеги мыйзамсыз блокаданы алып салуу, эксклавга гуманитардык жетүү жана аймактагы кеме жүрүү эркиндигин камсыздоо үчүн чукул чараларды көрүүгө чакырды.