Бүгүн таң эрте Бишкекте УКМКнын иамаратынын маңдайындагы көп кабаттуу үйдөн өрт чыкты. Бул тууралуу Өзгөчө кырдаалдар министрлигинен билдиришти.
Маалыматка ылайык, өрт тууралуу маалымат түшкөндөн кийин саат 6:20дан тарта шаардык өрт өчүрүү бөлүктөрүнөн жалпы 4 күжүрмөн эсеп жана штаб тартылган.
Көп кабаттуу үйдөн 50 жашоочу коопсуз жайга эвакуацияланган.
Өрт өчүрүүчүлөрдүн күжүрмөн аракети менен 08:50дө чектөөгө алынып, учурда өрт өчүрүлдү. Тилсиз жоо болжол менен 800 чарчы метрди каптаган.
Тилсиз жоодон эки адам жабыркап, учурда алардын абалы туруктуу деп бааланууда.