Реновация боюнча мыйзам долбоору даяр, Жогорку Кеңештин жаңы чакырылышынын кароосун күтүүдө. Бул тууралуу курулуш, архитектура жана турак жай-коммуналдык чарба министри Нурдан Орунтаев билдирди.
Анын айтымында, өлкөдө 1960-1970-жылдары курулган, колдонуу мөөнөтү бүтүп калган турак жайлар бар.
“Долбоор биринчи кезекте жарандардын укуктарын жана каалоолорун эске алат. Ошондой эле инвесторлордун кызыкчылыктарын коргоого багытталган”, — деп баса белгиледи министр.
Орунтаев долбоорду ишке ашыруу эскирген имараттарды акырындык менен заманбап жана коопсуз имараттар менен алмаштырып, жарандардын жашоо шарттарын жакшыртып, кыймылсыз мүлк тармагында кошумча инвестициялык мүмкүнчүлүктөрдү түзөрүн белгиледи.