2025-жылдын жыйынтыгы боюнча Кыргызстанда жалпысынан 15 278 электромобиль катталды. Бул өлкөдөгү транспорт каражаттарынын жалпы санынын 0,8%ын түзөт. Бул тууралуу Жаратылыш ресурстары, экология жана техникалык көзөмөл министрлиги билдирди.
Мекеменин маалыматына ылайык, акыркы жылдары электромобилдердин санында туруктуу өсүү динамикасы байкалууда.
Салыштырмалуу көрсөткүчтөр төмөндөгүдөй:
- 2022-жылы — 1 113 электромобиль;
- 2023-жылы — 2 310 электромобиль;
- 2024-жылы — 3 122 электромобиль.
Ал эми 2025-жылдын ичинде эле электромобилдердин саны 9 870 даанага көбөйгөн. Бул көрсөткүч жарандардын экологиялык таза транспортко болгон кызыгуусунун олуттуу өскөндүгүнөн кабар берет.