Кой-Ташта Алмазбек Атамбаевди кармоо операциясы кайрадан башталды. Бул тууралуу маалымат булактарда жарыяланды. Кой-Ташта кулак тундуруучу, жаш агызуучу каражат колдонула башталганы кабарланды.
Мурдагы президент Алмазбек Атамбаевдин Кой-Таштагы үйүндө кайрадан абал өзгөрдү.
Короодо чогулуп турган Атамбаевдин тарапкерлери каршылык көрсөтүүдө.
Ага чейин алар колуна таяк, таш алып даярданып турганы, Кой-Ташка Бишкектен көп сандагы күч түзүмдөрүнүн кызматкерлери жөнөгөнү кабарланган.
Күч түзүмдөрү расмий комментарий бере элек.
Кой-Таш айылынан Бишкектин чет жакасындагы Көк-Жар айылына чейинки аралыкта 5 блокпост орнотулду.
7-августта кечинде УКМК мурдагы президент Алмазбек Атамбаевди кармоо боюнча атайын операция жүргүзгөн. Бирок андан майнап чыккан эмес. Акыркы маалыматтар боюнча, кагылышуудан 50дөн ашык киши жаракат алып, бир жоокер каза болгон.