Бүгүн, 20-мартта Бишкек шаарындагы Турдакун Усубалиев атындагы эски аянтта Орозо айт намазы окулду.
Айт намазына эл таңкы саат алтыдан тарта чогула башташты. Саат 07:00дөн баштап Куран окулуп, диний баяндар айтылды.
Андан соң айт намазы окулуп, муфтий Абдулазиз Закиров майрамдык дуба кылды.
Орозо айт намазына президент Садыр Жапаров да катышты.
Аймактарда болсо айт намазы мечиттерде окулду.