Министрлер кабинетинин төрагасы Бакуга барды

Министрлер кабинетинин төрагасы Адылбек Касымалиев иш сапары менен Азербайжандын Баку шаарына барды.

Иш сапардын алкагында минкаб башчысы Түрк мамлекеттер уюмуна мүчө мамлекеттердин өкмөт башчыларынын/вице-президенттеринин экинчи жыйынына катышат.

Ошондой эле ал Түрк мамлекеттер уюмуна мүчө мамлекеттердин өкмөт башчылары/вице-президенттери менен биргеликте Азербайжандын президенти Илхам Алиев менен жолугушат.

Мындан тышкары, Адылбек Касымалиевдин Түркиянын вице-президенти Жевдет Йылмаз менен эки тараптуу жолугушуусу күтүлүүдө.