Кечээ тышкы иштер министринин орун басары Кайрат Турсункулов Пакистан Кыргызстандагы элчиси Алтамаш Вазир Хан менен жолукту.
Ведомстводон маалымдашкандай, жолугушуунун жүрүшүндө кыргыз-пакистан эки тараптуу кызматташтыгынын актуалдуу маселелери, анын ичинде жогорку жана эң жогорку деңгээлдеги алдыдагы байланыштардын графиги, ошондой эле эки тараптуу жана көп тараптуу иш-чараларды өткөрүүнүн негизги аспектилери талкууланды.
Мындан тышкары, тараптар эл аралык жана аймактык күн тартибиндеги маселелер боюнча пикир алышты.
Жолугушуунун жыйынтыгында кыргыз-пакистан эки тараптуу кызматташтыгын мындан ары өнүктүрүүгө өз ара кызыкдар экендиктери тастыкталды.