Бишкек – Нарын – Торугарт жана Сары-Булак – Соң-Көл унаа жолдорунда сел калдыктарын тазалоо иштери жүрүүдө, учурда каттам бар.
Транспорт жана коммуникациялар министрлигинен билдиришкендей, 1-июлда нөшөрлөп жааган жаандан улам Бишкек – Нарын – Торугарт жолунун 273-275-чакырымдарында жана Сары-Булак – Соң-Көл багытынын 0-3-чакырымдарында жолдун айрым тилкелерин суу каптаган.
Жерине №14 Жол эксплуатациялоо мекемесинин кызматкерлери жана атайын техникалар ыкчам тартылды.
«Учурда автогрейдердин жардамы менен суунун нугун буруу, жолдун үстүн кырып-тегиздөө иштери аткарылууда. Эки жолдо тең унаалардын кыймылы үзгүлтүксүз уланып жатат», — деп айтылат маалыматта.