Өлкөдө Шанхай кызматташтык уюмуна мүчө мамлекеттердин жаш окумуштуулары үчүн эл аралык илимий-билим берүү лагери уюштурулууда. Ага катышуу максатында Кыргызстанга Өзбекстандан делегация келди.
Агартуу министрлигинен билдиришкендей, аталган делегациянын курамында 15 окуучу жана 2 профессор бар. Конокторду «Манас» эл аралык аэропортунан министрликтин Мектептик билим берүү башкармалыгынын башчысы Мелисбек Музулманов тосуп алды.
Эл аралык илимий-билим берүү лагери ШКУга мүчө мамлекеттердин мектеп окуучуларынын ортосунда тажрыйба алмашууга, илимий кызматташтыкты өнүктүрүүгө жана жаңы демилгелерди ишке ашырууга багытталган.
Белгилей кетсек, иш-чара Кыргызстандын ШКУга төрагалык кылуусунун алкагында Агартуу министрлиги тарабынан уюштурулууда.