Түркия Республикасынын Президенти Режеп Таййип Эрдоган Бириккен Улуттар Уюмунун 81-Башкы Ассамблеясында сөз сүйлөдү. Эрдогандын сөзү Палестина, БУУнун реформасы, аймактык чыр-чатактар, климаттын өзгөрүшү жана жасалма интеллект маселелерине арналды.
Эрдоган Палестинанын президенти Махмуд Аббастын Башкы Ассамблеяга эки жыл катары менен катыша албаганын сынга алды. Ал Түркия эркин жана эгемендүү Палестина мамлекетинин үнү бойдон кала берерин билдирди жана Палестинаны тааный элек өлкөлөрдү өз чечимдерин кайра карап чыгууга чакырды.
БУУ түзүлгөндөн 81 жыл өткөндөн кийин да дүйнө дагы эле согуш жана чыр-чатактар менен бетме-бет келип жатканын белгилеген Эрдоган акыркы 12 айда 60тан ашык чыр-чатак жана согуш болгонун айтты.
Эрдоган Газадагы кырдаалга көңүл буруп, миңдеген адамдардын өмүрү кыйылганын, көптөгөн адамдар жер которуп кеткенин жана ооруканаларда күйүүчү майдын жетишсиздиги катуу сезилип жатканын билдирди. Ал Батыш Шериада конуштардын чабуулдары көбөйүп, Кудстагы ыйык жерлерге кирүүгө тыюу салынганын айтты.
Эрдоган БУУнун чыр-чатак аймактарында натыйжасыз иштеп жатканын жана эл аралык системага болгон ишенимди калыбына келтирүү керектигин билдирди.