Бишкек–Ош эл аралык маанидеги автожолунун 428-441-чакырымдарындагы селден жабылган тилкенин бир тарабы ачылып, экинчи тарабын тазалоо иштери уланууда. Бул тууралуу Транспорт жана коммуникациялар министрлиги билдирди.
Маалыматка ылайык, аталган тилкеде 5 жерден сел түшүп, жолду бөгөп калган.
Окуя болгон жерге министрликтин №38 Жол эксплуатациялык мекемесинин кызматкерлери тартылып, жолду тазалоо иштерин жүргүзүүдө.
“Учурда жолду тазалоо иштерине тиешелүү техникалар тартылган. Жолду толук ачуу жана унаалардын коопсуз каттамын камсыздоо боюнча тиешелүү иштер уланууда”,–деп белгиленет билдирүүдө.