Кыргызстандагы белгилүү ырчылардын бири Мирбек Атабеков бир нече саат мурун өзүнүн Инстаграмм баракчасына видео жүктөдү. Анда ырчы Мексикадагы лайнерлердин биринде караокенин жардамы менен англисче ыр аткарып жатканын жана чет элдик эс алуучулар кол чаап коштогонун көрүүгө болот.
Атабеков видеого кошумчалай Мексиканын Коста -Мухерес аралында эс алып жүргөнүн, ал ырдап жаткан учурда Мексика, Англия, Америка жана Пуэрто-Рикадан күйөрмандары пайда болгонун жазган. Ошондой эле ырчы англис тилин үйрөнүш керек деген пикирин калтырган.
Айта кетсек Мирбек Атабеков буга чейин өзүнүн баракчасында үй-бүлөсү менен бирге Мексикада эс алып жүргөнүн жарыялаган. Учурда алардын бир кыз, бир уулу бар жана үчүнчүсү жакында төрөлөөрү жубайы Мээрим Төлөпбергендин Инстаграммдагы постунан маалым.
Мирбек Атабековдун Инстаграммдагы баракчасына катталгандардын саны 1 миллион 100 миңге жеткен.
