Эртең, 15-октябрда футбол боюнча Кыргызстан курама командасы Монголиянын спортчулары менен оюн өткөрөт. Футбол Монголиянын борбору Улан-Батор шаарында Бишкек убактысы боюнча саат 14:00дө орун алмакчы.
Футбол федерациясынан билдиргендей курама команда учурда Улан-Батордо эртеңки оюнга даярдык көрүп жатат.
Беттеш 2022-жылы өтүүчү Дүйнө чемпионатына тандоо турунун алкагында жүргүзүлүүдө. Кыргызстан командасы «F» тайпасында, Тажикстан, Мьянма, Монголия анан Япония менен бет келет.
Эскерте кетсек, улуттук команда Тажикстандан 1:0 эсебинде утулуп, Мьянманы 7:0 эсебинде уткан. Эми Монголия, Япония футболчулары менен таймашышат.
Футбол күйөрмандарынын оюнду «@mycujoo» интернет сайты аркылуу түз эфирде көрүү мүмкүнчүлүгү болот.