Бүгүн, 28-октябрда “Ош” эл аралык абамайданына Кувейт каттамындагы биринчи учак келип конду. Каттамды Jazeera Airways авиакомпаниясы аткарды.
Салтка ылайык бул каттамга чыйыр салган биринчи учакты суу өткөөлү менен тосуп алышты.
Ош абамайданынын директору Талантбек Ысаков бул каттамдын ачылышы эки өлкөнүн жана Фергана аймагынын жүргүнчүлөрүнүн талабын гана аткарбастан, Азия менен Европанын мындан аркы транзитине мүмкүнчүлүк да түзөөрүн белгиледи.
Ош- Кувейт каттамына учурда 139 жүргүнчү катталган. Аба каттам жумасына эки жолу болот: дүйшөмбү жана шаршемби күндөрү.