Мындан ары айдоочулук күбөлүк алууга документтерди башка жерге тапшырып, күбөлүктү башка жерден алууга туура келет. Мамлекеттик каттоо кызматы документтерди кабыл алуу жана күбөлүк берүү бөлүмүн экиге бөлдү.
Аталган кызматтын маалыматына караганда бөлүү чечими “Унаа” мамлекеттик мекемесине кайрылгандардын саны өтө көп болгондуктан кезек күтүүнү жоюу үчүн кабыл алынган. Эми даяр айдоочулук күбөлүктү Ауэзов көчөсү- 1\5 дарегинен ала алышат.
Ал эми документтерди тапшыруу Лебединовка айылындагы Жеңиш проспектиси – 121Б дарегиндеги “Унаа” бөлүмүндө жүргүзүлөт.
9-декабрдан тартып жаңы үлгүдөгү айдоочулук күбөлүк алуу боюнча арыз-анкеталарды кабыл алуу башталган. Аларды даярдоо документ тапшырылган күндү кошпогондо төрт жумуш күнү. Документтин даяр болгону арыз берүүчүнүн телефон номерине СМС-билдирүү аркылуу барат.