Кытайда калың жааган кардан улам Пекин аэропорту ишин токтотту
14-февралда кар калың жаагандыгына байланыштуу өлкөнүн көпчүлүк аймактарында транспорттун жүрүүсү кыйынчылыкка учурады. Ал эми борбор шаары Пекинде ички жана сырткы багыттагы 95 учак каттамы аткарылган жок.
Кардын өтө калың жаашынан улам көрүү аралыгынын 1 километрге чейин түшүшү жана жолдорго муз тоңуп калгандыктан, жүргүнчүлөр кышкы саякаттарынын убактысы тууралуу аба жолу фирмалары менен байланышка өтүү боюнча эскертилди.