Ирандын Тегеран шаарында кулаган Украина учагындагы жүргүнчүлөрдүн баары каза тапты. Белгилей кетсек “Украина эл аралык авиалиниясына” таандык “Боинг-737” учагы Тегерандагы Хомейни абамайданынан эртең менен учкан. Учак абага көтөрүлөөр замат диспетчерлер аны менен байланыша албай калышкан. Кыйроонун бир версиясы – техникалык мүчүлүштүк. Учак иран борбор калаасынан түштүк-батышка карата айыл чарба районуна кулаган.
Интерфакс жазгандай кырсык болгон жерге барган куткаруучулар курмандыктардын санын эсептөөгө аракеттенишкен. Акыркы маалыматтарга караганда 170ден аз эмес жаран каза болгон.