Каракол шаарынын депутаты жасалма паспорт колдонуп жүргөнү аныкталды. Бул тууралуу УКМКнын басма сөз кызматы билдирди.
Аныкталгандай, 2016-жылы февраль айында 1976-жылы туулган Ысык-Көлдүн Ч.Т. аттуу тургуну берген арызынын негизинде, КСДПдан Каракол шаардык кеңешинин депутаттыгына талапкер катары катталган. Ал каттоого тиешелүү документтин бардыгын, анын ичинде паспорттун көчүрмөсүн дагы берген.
Бирок, 2012-жылдын ноябрь айында паспорт алмаштырылып, Ч.Т. аны 2016-жылдын февраль айына чейин Ысык-Көл облусунун Ак-Суу районундагы Тепкин айылынын айылдык кеңешинде депутат болуп турганда колдонуп келген.
Ошентип, Ч.Т. жараксыз паспортунун көчүрмөсүн билип туруп тапшырып, депутаттык мандатты мыйзамсыз алган.
Ч.Т. карата КРнын Жазык кодексинин 215-беренеси 2-б. 3-п. (Кылмыш жолу менен алынган кирешелерди мыйзамдаштыруу), 321-беренеси 1-б. (кызмат абалынан ашыкча пайдалануу) боюнча кылмыштардын жана жоруктардын бирдиктүү реестрине катталган факт боюнча сотко чейинки иши каралууда жана 330-берененин 2-б. (КРнын жаранынын паспортун мыйзамсыз колдонуу) боюнча Кылмыштардын жана жоруктардын бирдиктүү реестрине катталып, козголгон кылмыш ишинин сотко чейинки өндүрүшү УКМК тарабынан жүрүп жатат.