2-6-класстын окуучуларына мектепте адаттагыдай эле окууга уруксат берүү пландаштырылып жаткандыгын Саламаттыкты сактоо министринин орун басары Нурболот Үсөнбаев билдирди.
Үсөнбаевдин айтымында, эгер санитардык ченемдер сакталса жана эпидемиологиялык кырдаал мүмкүнчүлүк берсе, анда 2-6-класстар бийлик тарабынан уруксат берүүнүн кийинки этабында кадимки режимде окуй башташат. Андан кийин, алар 7-11-класстын окуучуларына мектепке барууга уруксат берүү жөнүндө ойлонушат.
Ошондой эле студенттерди кадимки режимде окутуу маселелери чечилип жатат, деп белгиледи Үсөнбаев.
Саламаттыкты сактоо министрлигинин башчысынын орун басары ошондой эле учурда жеке менчик бала бакчалар санитардык ченемдердин шарты менен иштеп жаткандыгын, мамлекеттик бала бакчалардын иши боюнча маселе ар бир мекеме боюнча өзүнчө чечилип жаткандыгын айтты.