Бүгүн Кыргызстанда коронавирус жуккан жаңы 298 учур (пневмонияны эске алганда) катталды. Бул тууралуу коронавируска каршы Республикалык штаб билдирет.
Анын маалыматына караганда, жалпы коронавирус жуктуруп алгандардын саны өлкө боюнча 48 миң 97 адамга жетти.
Сутка ичинде катталган жаңы учурлар:
Бишкек — 57
Ош — 20
Чүй облусу – 10
Ош облусу — 61
Талас облусу – 8
Нарын облусу — 1
Ысык-Көл облусу – 5
Жалал-Абад облусу – 47
Баткен облусу – 89.
Ал эми акыркы бир сутка ичинде коронавирус жана пневмониядан айыккан 154 бейтап ооруканадан чыгарылды, алардын жалпы саны 43 798ге жетти.
Өткөн суткада коронавирус инфекциясынан каза болгондордун жаңы 3 учуру катталды. Жалпысынан каза болгондордун саны 1069га жетти.