Бүгүн, 9-октябрда өзбек чек арачылары мамлекеттик чек араны бузгандарды – 1967-жылы туулган Матраимов Тилекти, 1989-жылы туулган Кочкорбаев Зиябиддинбекти жана 1979-жылы туулган Ахмедова Махсуданы кыргыз тарапка өткөрүп беришти.
УКМКнын басма сөз кызматы билдиргендей, бул адамдар 2020-жылы 6-октябрда Өзбекстандын чек ара кызматы тарабынан мамлекеттик чек арадан мыйзамсыз өтүп жатканда кармалган.
9-октябрда УКМКнын тергөө органдары тарабынан Кыргыз Республикасынын Кылмыш-жаза кодексинин 358-беренесинин алкагында мамлекеттик чек арадан мыйзамсыз өтүү фактысы боюнча сотко чейинки өндүрүш башталды.
Учурда кармалгандар УКМКнын убактылуу кармоочу жайына киргизилди. Тергөө иштери жүрүп жатат.