Жогорку Кеңештин депутаттары Жанар Акаев жана Мирлан Жээнчороев Ички иштер министрлигине суракка чакырылды. Бул тууралуу аталган министрликтен билдиришти.
Маалыматка ылайык, депутаттар 5-6-октябрь күндөрү Бишкектеги башаламандыкка байланыштуу козголгон иш боюнча күбө катары суракка чакырылды.
Эскерте кетсек, 4-октябрда өткөн парламенттик шайлоо добуш берүү процессинин бузулушунан улам жараксыз деп табылган. Буга байланыштуу борбор калаада 5-6-октябрь күндөрү башаламандык болгон. Митинг массалык башаламандыкка жетип, 626 милиция кызматкери жабыркаган.