Ирактын баш калаасы Багдаддагы Жашыл зонада орун алган АКШ элчилигине ракеталык чабуул жасалды.
Кол салуунун айрым сүрөттөрү социалдык тармактарда бөлүшүлдү.
Ирактын өкмөтүнө караштуу Коопсуздук Борбору Тармагы тарабынан берилген жазуу түрүндөгү билдирүүдө Жашыл аймакка (АКШ элчилигине) 8 ракета менен кол салынганы жана алардын көпчүлүгүнүн аймактагы калктуу конуштарга түшкөнү белгиленди.
Билдирүүдө ракеталардын бири Жашыл аймактагы өткөрүү пунктуна тийип, ал жердеги нөөмөттө турган аскер жаракат алганы жазылган.
АКШнын Багдаддагы элчилиги жасаган билдирүүдө кол салуу ырасталып, атылган ракеталардын элчиликте жайгашкан абадан коргонуу системасы тарабынан жок кылынганы баса белгиленди.
Премьер-министрликтин аскер катчысы Яхья Ресул, чет элдик миссия өкүлдөрүнө жасалган кол салууларда терс билдирүүлөр камтылганын жана бул жерлердин коопсуздугун камсыз кылууну талап кылып жатышканын айтты.
Ирактын Садр кыймылынын лидери Муктада ас-Садр АКШнын Багдаддагы элчилигине кол салуу жөнүндө: «Жөнөкөй адамдардын өмүрүн тобокелге салуу — бул куралдуу күчтөрдүн милдети. Биз буга чейин да айтып келгенбиз. Мамлекеттик көзөмөлдөн тышкары эч ким курал алып жүрүүгө укугу жок»,-деди.
«Өкмөт Багдадда өзгөчө кырдаал жарыялап, жарандардын жана чет элдик миссия өкүлдөрүнүн коопсуздугун камсыз кылуу үчүн армияны гана колдонушу керек»,-деп айткан Садр, сөз болуп жаткан коопсуздукту камсыз кылууда роль ойногонго даяр экендигин билдирди.
Өз билдирүүсүндө Садр ошондой эле Парламентти АКШнын Багдад элчилиги менен АКШнын аскерий оккупациясын токтотуу үчүн сүйлөшүүлөрдү баштоого чакырды.
Ирактык шийилердин саясий жана диний лидери Садр, АКШ элчилигинен мындай кол салууларга жооп бербөөнү жана аны өкмөткө калтырууну суранды.