Польшада 18 атактуу кишинин жана саясатчынын биринчи этапта коронавируска каршы эмдөө алуу акысы болбосо да эмдөө алгандыгы ортого чыкты. Бул тууралуу териштирүү баштатылды.
Польшага жиберилген 10 000 доза Pfizer/BioNTech вакцинасы 25 — декабрда түнү өлкөгө барган. Эмдөө үчүн алдыңкылык медицина кызматкерлери менен алардын үй — бүлөлөрүнө берилген.
Бирок саламаттыкты сактоо кызматкерлерине эмдөө жүргүзүлө электе, мурунку премьер-министр Лесек Миллер жана өлкө боюнча абдан популярдуу актерлор, ырчылар менен теле алып баруучулар баш болгон 18 кишиден турган топтун кезектин алдына өтүп эмдөө алгандыгы тууралуу кабарлар өлкөдө нааразычылык жаратты.
Бул кишилердин вакциналары Варшава медициналык университетинде бар экендиги белгиленген кабарда университеттин колдорунда 2020 — жылдын акырына чейин колдонулушу керек болгон ашыкча доза вакцинанын бар экендигине байланыштуу билдирүүсүнө орун берилди.
Ооруканадан берилген маалыматта пландоого тескери баарынан мурда эмдөө берилгендиги алдыга чыккан 18 кишинин эмдөө кампаниясына колдоо көрсөтүү үчүн вакцина элчиси катары кезектин алдына өткөндүгү билдирилди.
Чыр — чатак 30 — декабрда мурунку премьер — министр Миллердин соцтармакта эмдөө алганына байланыштуу ооруканадан берилген документти бөлүшүүсү менен ортого чыкты.
Бийликтеги мыйзам жана Адилеттик партиясынын жергиликтүү башкаруучуларынан кээ бирлеринин да медициналык кызматкерлеринен мурда эмдөө алгандыгы ортого чыккан; партия бир жергиликтүү жетекчини партиядан чыгарган.
Премьер-министр Матеуш Моравецки өз билдирүүсүндө : «Эрежелерди бузгандыгы үчүн мыйзамдуу түшүндүрмөсү болушу мүмкүн эмес. Бул чыныгы чыр — чатак», — деди.
Өкмөттүн катчысы Пиотр Муллер да өкмөттүн териштирүүсүнүн башталгандыгын айтты жана : «Бардык кылмышкерлер эртерээк жазаларын алышы керек»,- деди.