КР Шайлоо жана референдум өткөрүү боюнча Боршайком мөөнөтүнөн мурда өткөн президенттик шайлоонун расмий жыйынтыгын чыгарды.
БШКнын маалыматына караганда, шайлоо укугуна 3 млн 563 миң 574 жаран ээ болгон. Жалпы 2 миң 474 шайлоо участогу түзүлгөн. Анын ичинен 2 миң 428 шайлоо тилкеси Кыргызстандын аймагында болсо, дүйнөнүн 28 өлкөсүндө 48 шайлоо участогу ачылган.
Шайлоого катышкан 17 талапкердин ичинен жалпы шайлоочулардын 79,20 % (1 105 248 добуш) добушун алган Садыр Жапаров президент болуп шайланды.
Президент Садыр Жапаровдун ант берүү аземи 28-январь күнү өткөрүлөт.