Казакстан-Өзбекстан чек арасында курулуусу пландалган «Борбордук Азия» эл аралык соода-сатык борборун куруу үчүн иш-аракеттер башталды.
Казакстандын премьер-министри Аскар Маминдин төрагалыгы астында чогулган Министрлер кеңешинде соода жана интеграция министри Бахит Султанов, Өзбекстан менен чектеш аймакта курулуусу пландаштырылган соода-сатык борборуна байланыштуу иштердин улантылып жаткандыгын билдирди.
Султанов, Өзбекстан чек арасында «Борбордук Азия» эл аралык соода-сатык борборунун курулуусу максатталганын баса белгилеп: «Бул борбордун долбоорун ишке ашыруу үчүн жайгашуу жери боюнча өзбек тарап менен макулдашылды. Биз жер тилкесин бөлүп бердик жана учурда инвестор менен сүйлөшүүлөрдү жүргүзүп жатабыз», — деди.
Министр Султанов бул борбордун коңшу Өзбекстан менен чек ара соодасын өнүктүрүүгө салым кошуп, эки өлкө ортосундагы соода жүгүртүүнүн көлөмүн 10 миллиард долларга көбөйтүүгө мүмкүнчүлүк түзөрүн айтты.