Түркиянын “TRT AVAZ” каналы “Halk Lideri Sadır” (Садыр — элдик лидер) аттуу даректүү тасма көрсөтмөкчү. 7-февраль күнү Кыргызстандын сааты боюнча 22.00дө эфирге чыга турган тасмада Кыргызстандын президенти Садыр Жапаровдун өмүр баяны, басып өткөн жолу, саясий бейнеси айтылат.
“ТРТ–АВАЗ” каналы Өзбекстан, Казакстан, Кыргызстан, Түркмөнстан, Азербайжан, Босния-Герцеговина, Албания сыяктуу өлкөлөрдө 8 тилде эфирге чыгат. Түрк дүйнөсүнүн биримдигин жана ынтымагын бекемдөөнү көздөгөн “TRT AVAZ” каналы, 27 өлкөдө жана 13 автономиялуу республикада жашаган 250 миллиондон ашык көрүүчүлөргө өзүнүн берүүлөрүн тартуулап келет.