Американын космос агенттиги — НАСАнын «Персеверанс» роботу жети ай космосто учуп, Марс планетасына 18-февралда ийгиликтүү конгон.
Андан бери космостук робот Марстын экваторуна жакын «Езеро» деп аталган кратерден көз жоосун алган сүрөттөрдү салып жатат.
Роботтун эң негизги максаты — Кызыл планетадагы бактериялык жандыктардын изин иликтөө. Окумуштуулар үч-төрт миллиард жыл мурун Марста суу болгонун, демек тирүү жандык дагы болушу мүмкүн деп келишет.