«Манас» эл аралык аэропортунун аймагындагы аэровокзал комплекстерине 17-апрелден тарта бир катар чектөөлөр киргизилет. Бул тууралуу учак жайдын маалымат кызматы билдирди.
Мындай чечим коронавирус боюнча абалга байланыштуу башкы мамлекеттик санитардык дарыгер Улук-Бек Бектурганов тарабынан кабыл алынганын маалымат кызматы билдирди.
Чектөөлөрдүн тизмеси:
- 00:00дөн 7:00гө чейин бөтөн адамдарга, анын ичинде узатып, тосуп алгандарга кирүүгө тыюу салынат. Жүргүнчүлөрдү аэровокзал комплекстерине киргизүү авиабилет менен жүргүзүлөт;
- Аэропортко келгендердин жана учуп кеткендердин дене табы текшерилип, адистер тарабынан термометрикалык көзөмөл жүргүзүү күчөтүлөт;
- Авиажүргүнчүлөрдү узатуучу жана тосуп алуучулардын ыңгайлуулугу үчүн аэровокзалдык комплекстердин жанына отургучтар орнотулат;
- жүргүнчүлөр учуу алдындагы көзөмөлдөн өтүүдө каттоо аймагында бет кап кийип, аралыкты сактоого тийиш.