Токмок шаарында «Коопсуз шаар» долбоорунун экинчи этабынын алкагында фото жана видеокамералар орнотулуп жатат. Бул тууралуу Жол кыймылы коопсуздугун көзөмөлдөө башкы башкармалыгынын маалымат кызматы кабарлады.
Камералар коюла турган кесилиштердин тизмеси:
- Сарбагышев/Ленин;
- Шамшы/Ленин;
- Гагарин/Шамшы;
- Дунларов/ Ибраимов (мурдагы Горький);
- Ибраимов/Дубовицкий;
- Жантаев/Шамшы.
Мындан сырткары Кара-Балта, Ош, Жалал-Абад жана башка шаарларда да камералар орнотулуп жаткандыгы кабарланды. Кара-Балтада камералар беш жерге коюлмакчы.
«Коопсуз шаар» долбоорунун экинчи этабын Shenzhen Sunwin Intelligent Co.Ltd компаниясы ишке ашырууда. Жалпы 306 жерге атайын жабдуу орнотулат, анын 266сы стационардык, 40ы көчмө камера болот.