Залкар жазуучу Чыңгыз Айтматовдун жубайы Мария Айтматова бүгүн, 21-апрелде Бишкекте жерге берилет.
Айтматов атындагы эл аралык фонддон билдиришкендей, маркум менен коштошуу зыйнаты саат 11де жазуучунун үй-музейинде болот. Сөөгү «Ала-Арча» көрүстөнүнө коюлат.
79 жаштагы Мария Айтматова 20-апрелде коронавирустан көз жумду.
Чыңгыз Айтматов экөөнүн ортосунда Ширин жана Элдар аттуу балдары бар.