Дем алыш күндөрү Бишкекте айыл чарба продукцияларынын жарманкеси өтөт. Бул тууралуу мэриядан билдиришти.
Шаардыктар үч жерде уюштурулган жарманкеге бара алышат:
Раззаков көчөсүнүн Токтогул жана Киев көчөлөрү менен кесилишкен бөлүгүндө;
12-кичи райондогу Нуркамал Жетикашкаева менен Аалы Токомбаев көчөлөрүнүн кесилишкен жеринде;
Төрөкул Айтматов жана Токтогул көчөлөрүнүн кесилишинде.
Жарманке эртең мененки саат 10:00дө башталат. Мэрия шаардыктарды санитардык нормаларды, аралыкты сактоо керектигин эске салды.