Британияда окумуштуулар Американын фармацевтика фирмасы Pfizer менен Британия — Швеция фармацевтика фирмасы AstraZeneca тарабынан Ковид — 19га каршы чыгарылган вакцинанын бир дозасы гана берилген кишилерде вирусту башка үй — бүлө мүчөлөрүнө жуктуруу мүмкүнчүлүгүн 50 пайызга азайткандыгын ортого салды.
Британиядагы Элдин саламаттыгын сактоо мекемеси жүргүзгөн иликтөөнүн негизинде эмдөөдөн өткөн бир кишинин 3 жумадан кийин эмдөөдөн өтпөгөн кишилерге караганда вирусту жуктуруу ыктымалынын 38 — 49 пайызга аз экендиги белгиленди.
Иликтөөнүн негизинде 24 000 үйдөн эмдөөдөн өткөн 57 000 киши изилдөөгө алынды. Иликтөөгө катышкан кишилер эмдөөдөн өтпөгөн 1 миллион киши менен салыштырылды.
Британиянын саламаттык сактоо министри Мэтт Хэнкок берген маалыматында иликтөөнүн вакцинанын вирустун жугушуна тоскоол болгондугун көрсөткөн эң кеңири маалыматтарды бергендигин баса белгиледи.