УКМКнын мурдагы төрагасы Абдил Сегизбаев пневмония менен ооруканага түштү. Бул тууралуу УКМКнын басма сөз кызматынан билдиришти.
Маалыматка ылайык, Сегизбаев дүйшөмбү күнү эки тараптуу пневмония диагнозу менен ооруканага жаткырылган.
«Өткөн дем алыш күндөрү Сегизбаев өзүн начар сезип, дене табы көтөрүлгөн. УКМКнын демилгеси менен ал дарылануу үчүн ооруканага жаткырылды», — деп маалымдашты УКМКнын басма сөз кызматынан.