Саламаттык сактоо жана социалдык өнүктүрүү министрлигинин маалыматына ылайык COVID-19га каршы эмдөө боюнча сертификатты жарандар онлайн режиминде төмөнкү жолдор менен ала алат:
алгач vc.emed.gov.kg расмий сайтындагы «Сертификат» бөлүмүнө кирүү керек;
КР жарандары персоналдык жеке номерин (ПИН), ID-картанын сериясын жана номерин терет;
чет элдиктер паспорттун номери менен аты-жөнүн жазат.
Сертификат PDF форматында жана индивидуалдуу берилген QR-код менен чыгарылат.
Министрлик электрондук сертификатты алуу үчүн электрондук кол тамга кереги жок экенин эскертти.
Буга чейин вакцина алгандыгы тууралуу сертификатты portal.tunduk.kg порталындагы «саламаттык сактоо» деген бөлүмү да көрсөтүп жаткан.