Бишкек шаардык соту 11-августта Жогорку Кеңештин депутаты Асылбек Жээнбековго карата баш коргоо чарасын өзгөртпөй, биринчи инстанциядагы соттун чечимин күчүндө калтырды.
Соттун басма сөз кызматы кабарлагандай, ал 30-сентябрга чейин УКМКнын тергөө абагында кармалат.
“Кумтөр” иши боюнча Асылбек Жээнбеков менен катар Жогорку Кеңештин экс-депутаттары Исхак Пирматов, Талантбек Узакбаев, Өмүрбек Бабанов, учурдагы депутаттар Төрөбай Зулпукаров, мурдагы вице-премьер-министр Тайырбек Сарпашев дагы камакка алынган.
УКМК “Кумтөргө” байланыштуу 4 кылмыш ишин иликтөөдө.