Орусиянын Коргоо министрлигинин учактары “Кант” аскердик аэродромуна Ооганстандан эвакуацияланган кыргызстандыктарды алып келди. Бул тууралуу аталган башкармалыктан билдиришти.
“Россия Федерациясынын Коргоо министрлигинин 2 аскердик-транспорттук авиация учагы Кыргыз Республикасынын Канттагы аэродромуна Афганистан Ислам Республикасынан эвакуацияланган жарандарды алып келди”-деп айтылат билдирүүдө.
Белгилей кетсек, буга чейин Орусиянын Коргоо министрлиги, президент Владимир Путиндин тапшырмасы менен 500 орус, Украина, Беларусь, Тажикстан, Кыргызстан жана Өзбекстандын жарандарын Ооганстандан чыгара турганы айтылган болчу.