Чүй облусу боюнча эпидемиологиялык кырдаал турукташты. Бул тууралуу брифингде Ысык-Ата райондор аралык мамлекеттик санитардык-эпидемиологиялык көзөмөлдөө борборунун эпидемиология бөлүмүнүн башчысы Акыл Исаев айтып берди.
Анын айтымында, оорулардын саны күндөн-күнгө азайып баратат. “Калкты жалпы эмдөө үчүн облуста 129 эмдөө пункттары жана 12 мобилдик көчмө эмдөө бригадалары иштеп жатат. Азыркы учурда 1-доза менен 65 миң 83 адам (23 пайыз) эмдөөдөн өттү”, — деп кошумчалады Акыл Исаев.