Кыргызстанда октябрь айынан тарта күндүн кескин сууп кетиши көмүр тартыштыгын жаратып, анын баасы да өскөнү байкалды. Буга байланыштуу Жогорку Кеңештин мурдагы депутаты, саясатчы Бактыбек Калмаматов НТС каналындагы «Эмнеге?» берүүсүндө пикирин билдирди. Ал суроолорго жооп берип жатып, көмүрдүн баасы жасалма жол менен көтөрүлүп жатканынын себебин көмүр ташыган олигархтардын шайлоодо элди көмүр менен сатып алууга камынып жатканы менен байланыштырды.